Eva Luna (1992)

TÓNLISTIN úr leiksýningu Leikfélags Reykjavíkur, Evu Lunu, er nú komin út á geisladiski. Eva Luna, leikrit með söngvum eftir Kjartan Ragnarsson og Óskar Jónasson byggt á skáldsögu Isabel Allende var frumsýnt í Borgarleikhúsinu 7. janúar sl. og hefur verið uppselt á allar sýningar til þessa.

Egill Ólafsson er höfundur tónlistar og söngtexta en Egill leikur jafnframt eitt aðalhlutverkið í sýningunni. Aðrir einsöngvarar eru m.a. Edda Heiðrún Backman, Steinunn Ólafsdóttir, Margrét Pálmadóttir o.fl. Hljómsveitarstjóri er Árni Scheving en Ríkharður Örn Pálsson annaðist útsetningar.